Kehne ko mera us se koi wasta nahin

کہنے کو میرا اس سے کوئی واسطہ نہیں

کہنے کو میرا اس سے کوئی واسطہ نہیں

اؔمجد مگر وہ شخص مجھے بھولتا نہیں

ڈرتا ہوں آنکھ کھولوں تو منظر بدل نہ جائے

میں جاگ تو رہا ہوں مگرجاگتا نہیں

آشفتگی سے اُس کی اُسے بے وفا نہ جان

عادت کی بات اور ہے دل کا بُرا نہیں

تنہا اُداس چاند کو سمجھو نہ بے خبر

ہر بات سن رہا ہے مگر بولتا نہیں

خاموش رتجگوں کا دھواں تھا چہار سو

نکلا کب آفتاب مجھے تو پتہ نہیں

اؔمجد وہ آنکھیں جھیل سی گہری تو ہیں مگر

اُن میں کوئی بھی عکس میرے نام کا نہیں

                     امجد اسلام امؔجد