 |
| اُردو زبان کے مشہور شاعر اسد اللہ خان غالب ( 1797-1869) برطانوی انڈیا |
غالب کا پورا نام اسد اللہ خان غالب تھا۔ آپ آخری مغل تاجدار کے درباری شاعر بھی تھے۔ آپ ایک ترک خاندان کے ہاں آگرہ میں پیدا ہوئے۔ آپ کے دادا اٹھارویں صدی کے آخر میں ہجرت کرکے انڈیا آگئے تھے۔ان کا خاندان ایک فوجی خاندان کے طور پر مشہور تھا، آپ کے دادا، والد اور تمام چچا انڈین آرمی میں رہ چکے تھے۔ آپ بچے ہی تھے کہ آپ کے والد ایک جنگ میں مارے گئے۔آپ کی پرورش آپ کے چچا اور کچھ دورکے رشتہ داروں نے کی۔
آپ کی شادی کم عمری ہی میں ہوگئی تھی جوکہ اتنی خوشگوار ثابت نہیں ہوئی تاہم آپ کے سات بچے ہوئے جو کے بچپن ہی میں فوت ہوگئے۔ان سب باتوں نے غالب کو اندر سے بہت متاثر کیا مگر ساتھ ہی آپ کی شاعرانہ صلاحیتوں کو جلا بھی بخشی۔ غالب کی زندگی مختلف قسم کی تہزیبوں، رواجوں، زبانوں اور معاشرتی ڈھانچوں کے درمیان گزری۔ آپ کوانڈیا کا آخری کلاسیکل شاعر کہا جاتا ہے اورجدید اُردو کا پہلا شاعر بھی۔
آپ درباری شاعر بھی تھے اور آپ نے فارسی زبان میں بھی شاعری کی جو کہ اس وقت کی سرکاری زبان تھی مگر آپ کی اصل وجۂ شہرت آپ کا اُردو کلام ہے۔
آپ نے مغلیہ دورکا آخر اور برطانوی دور کا آغاز اپنی آنکھوں سے دیکھا۔
آپ کی شاعری اس دور کے مسلمانوں اور ہندوؤں میں یکساں مقبول ہوئی
