Ashk e rawan ki nehar hai aur hum hain dosto

اشکِ رواں کی نہر ہے اور ہم ہیں دوستو

اشکِ رواں کی نہر ہے اور ہم ہیں دوستو

اس بے وفا کا شہر ہے اور ہم ہیں دوستو

یہ اجنبی سی منزلیں اور رفتگاں کی یاد

تنہائیوں کا  زہر ہے اور ہم ہیں دوستو

لائی ہے اب اُڑا کے گئے موسموں کی باس

برکھا کی رت کا قہر ہے اور ہم ہیں دوستو

دل کو  ہجومِ  نکہتِ  مہ سے لہو  کیے

راتوں کا پچھلا پہر ہے اور ہم ہیں دوستو

پھرتے ہیں مثلِ موجِ ہوا شہر شہر میں

آوارگی کی لہر ہے اور ہم ہیں دوستو

آنکھوں میں اُڑ رہی ہے لٹی محفلوں کی دھول

عبرت سرائے دہر ہے اور ہم ہیں دوستو

                     منیؔر نیازی

Apni hi taigh e ada se aap ghayal hogya

اپنی ہی تیغِ ادا سے آپ گھائل ہوگیا

اپنی ہی تیغِ ادا سے آپ گھائل ہوگیا

چاند نے پانی میں دیکھا اور پاگل ہوگیا

وہ ہوا تھی شام ہی سے رستے خالی ہوگئے

وہ گھٹا برسی کہ سارہ شہر جل تھل ہوگیا

میں اکیلا اور سفر کی شام رنگوں میں ڈھلی

پھر یہ منظر میری نظروں سے بھی اوجھل ہوگیا

اب کہاں ہوگا وہ اور ہوگا بھی تو ویسا کہاں

سوچ کر یہ بات جی  کچھ اور بوجھل ہوگیا

حسن کی دہشت عجب تھی وصل کی شب میں منؔیر

ہاتھ جیسے انتہائے شوق سے شل ہوگیا

                        منؔیر نیازی

Ajab rang rangeen qabaon mein the

عجب رنگ رنگیں قباؤں میں  تھے

عجب رنگ رنگیں قباؤں میں تھے
دل و جان جیسے بلاؤں میں تھے
طلسمات ہونٹوں پہ، آنکھوں میں غم
نئے زیوارت ان کے پاؤں میں تھے
مہک تھی ترے پیرہن میں کہیں
اندیشے سے شب کی ہواؤں میں تھے
ذرا پی کے دیکھا جو چاروں طرف
مکان و مکیں سب خلاؤں میں تھے
یہ شعلے جو سڑکوں پہ پھرتے ہیں اب
پہاڑوں کی کالی گپھاؤں میں تھے
اگر روک   لیتے تو  جاتا   نہ   وہ
مگر ہم بھی اپنی ہواؤں میں تھے
کلر  بکس   جیسے   کھلا   تھا   منیرؔ
کچھ ایسے ہی منظر فضاؤں میں تھے
             مؔنیر نیازی

Phool the badal bhi tha aur wo haseen

پھول تھے ، بادل بھی تھا اوروہ حسیں صورت بھی تھی

پھول تھے، بادل بھی تھا اور وہ حسیں صورت بھی تھی

دل میں لیکن اور  ہی اک شکل   کی    حسرت بھی  تھی

جو  ہوا   میں   گھر   بنائے   کاش    کوئی    دیکھتا 

دشت   میں رہتے تھے   پر تعمیر کی عادت بھی تھی

کہہ گیا میں سامنے   اس کے   جو   دل کا   مدّعا

کچھ تو موسم بھی عجب تھا ،  کچھ مری ہمت بھی تھی

اجنبی شہروں میں   رہتے عمر   ساری   کٹ گئی

گو ذرا سے فاصلے پر گھر کی   ہر راحت  بھی تھی

کیا   قیامت    ہے مؔنیر   اب یاد بھی آتے نہیں

وہ پرانے آشنا   جن سے ہمیں   الفت بھی تھی

                منیرؔ  نیازی

Sham aai hai sharabe taiz peena chahiye

شام آئی ہے شرابِ تیز پینا چاہیے

شام آئی ہے شرابِ تیز پینا چاہیے

ہو چکی ہے دیر اب زخموں کو سینا چاہیے

مر گئے تو پھر کہاں یہ حسن زارِ زندگی

زخمِ دل گہرا بہت ہے پھر بھی جینا چاہیے

آج وہ  کس  دھج سےسیرِگلستاں میں محو ہے

چھپ کےاس کے ہاتھ سےوہ پھول چھینا  چاہیے

ابر ہو چھایا ہوا اور باغ ہو مہکا ہوا

گود میں گلفام ہو اور پاس مینا چاہیے

جا بجا میلے لگے ہیں لال ہونٹوں کے منؔیر

تیرگی میں دیکھنے کو چشمِ بینا چاہیے

          منؔیر نیازی

Deti nahi aman jo zamin

Shikwa krain to kis se

Muhabbat ab nahi hogi

Un se nain mele ke dekho

Hamaisha dair kardeta hoon

Bechain bohat phirna