Hisab e umer ka atna sa goshwara hai

حسابِ عمر کا اتنا سا گوشوارا ہے

حسابِ عمر کا اتنا سا گوشوارا ہے

تمہیں نکال کے دیکھا تو  سب خسارا ہے

ہر اک صدا جو ہمیں بازگشت لگتی ہے

نہ جانے ہم ہیں دوبارا کہ  یہ دوبارا ہے

عجب اصول ہیں اس کاروبارِ دنیا کے

کسی کا قرض کسی اور نے اُتارا ہے

نجانے کب تھا  کہاں تھا  مگر یہ لگتا ہے

یہ وقت پہلے بھی ہم نے کبھی گزارا ہے

یہ دو کنارے تو دریا ہے ہوگئے ہم تم

مگر وہ کون ہے جو تیسرا کنارا ہے

                امجد اسلام امجدؔ