Sab log liye sang e malamat

سب  لوگ  لیے  سنگِ  ملامت  نکل  آئے

سب  لوگ  لیے  سنگِ  ملامت  نکل  آئے

کس  شہر  میں  ہم  اہلِ  محبت  نکل  آئے

اب  دل  کی  تمنا ہے تو اے  کاش  یہی ہو

آنسو کی جگہ آنکھ سے حسرت نکل آئے

ہر گھر  کا دِیا گل نہ کرو تم   کہ نہ  جانے

کس  بام  سے  خورشیدِ  قیامت  نکل  آئے

جو  درپے  پندار  ہیں  اُن  قتل  گہوں  سے

جاں دے کےبھی سمجھوکہ سلامت نکل آئے

اے  ہم  نفسو  کچھ  تو  کہو  عہدِ ستم سے

اِک حرف سے ممکن ہے حکایت نکل  آئے

یارو مجھے مصلوب کرو تم کہ مرے بعد

شاید   کہ   تمہارا  قد  و قامت  نکل  آئے

                           احمد فرازؔ