Kaha tha kis ne ke ehde wafa

کہا تھا کس نے کہ عہدِ وفا کرو اس سے

کہا تھا کس نے کہ عہدِ وفا کرو اس سے 

جو یوں کیا ہے تو پھر کیوں گلا کرو اس سے

نصیب پھر کوئی تقریبِ قرب ہو کہ نہ ہو

جو دل میں ہوں وہی باتیں کہا کرو اس سے

یہ اہلِ بزم تنک حوصلہ سہی پھر بھی

ذرا فسانۂ دل ابتدا کرو اس سے

یہ کیا کہ تم ہی غمِ ہجر کے فسانے کہو

کبھی تو اُس کے بہانے سنا کو اُس سے

فرازؔ ترکِ تعلق تو خیر کیا ہوگا

یہی بہت ہے کہ کم کم ملا کرو اس سے

                            احمد فرازؔ