Kuch na kuch ishaq ki taseer ka iqrar to hai

کچھ نہ کچھ عشق کی تاثیر کا اقرار تو ہے

کچھ نہ کچھ عشق کی تاثیر کا اقرار تو ہے

اس کو الزامِ تغافل پہ کچھ انکار تو ہے

سرِ ظلمت کدۂ دہرِ چراغاں کے لئے

گردشِ جام تو ہے محفلِ سرشار تو ہے

سر پٹکنے کو پٹکتا ہے مگر رُک رُک کر

تیرے وحشی کو خیالِ درو دیوار تو ہے

تجھ سے ہمت تو پڑی عشق کو کچھ کہنے کی

خیر شکوہ نہ سہی شکر کا اظہار تو ہے

چونک اُٹھے ہیں فرؔاق آتے ہی اس شوخ کا نام

کچھ سراسیمگئ عشق کا اقرار تو ہے

              فراؔق گورکھپوری