Aziz itna hi rakho ke jee

عزیز اتنا ہی رکھو کہ جی سنبھل جائے

عزیز اتنا ہی رکھو کہ جی سنبھل جائے

اب  اس قدر بھی نہ چاہو کہ دم نکل جائے

محبتوں میں دلوں کو عجب ہے دھڑکا سا

کہ جانے کون کہاں راستہ بدل جائے

ملے ہیں یوں تو بہت آؤ اب ملیں یوں بھی

کہ روح گرمئ   انفاس سے پگھل جائے

میں وہ چراغ سرِ راہگزارِ     دنیا ہوں

جو اپنی ذات کی تنہائیو میں جل جائے

زہے وہ دل جو تمنائے تازہ تر میں رہے

خوشا وہ عمر جو خوابوں میں ہی بہل جائے

ہر اک لحظہ یہی آرزو یہی حسرت

جو آگ دل میں ہے وہ شعر میں بھی ڈھل جائے

عبید اللہ علیمؔ