Khawab marte nahi

خواب مرتے نہیں

خواب مرتے نہیں

خواب دل ہیں  نہ آنکھیں نہ سانسیں کہ جو

ریزہ ریزہ ہُوئے تو بکھر جائیں گے

جسم کی موت سے یہ بھی مر جائیں گے

خواب مرتے نہیں

خواب تو روشنی ہیں نوا ہیں ہوا ہیں

جو کالے پہاڑوں سے رُکتے نہیں

ظلم کے دوزخوں سے بھی پُھکتے نہیں

روشنی اور نوا  اور ہوا کے عَلم

مقتلوں میں پہنچ کر بھی جھکتے نہیں

خواب تو حرف ہیں

خواب تو نور ہیں

خواب سقراط ہیں

خواب منصور ہیں

احمد فرازؔ