Suna to hai ke nigar e bahar

سُنا تو ھے کہ نگارِ بہار راہ میں ہے

سُنا تو ھے کہ نگارِ بہار راہ میں ہے

سفر بخیر کہ دشمن ہزار راہ میں ہے

گزر بھی جا غمِ جان وغمِ جہاں سے کہ یہ

وہ منزلیں ہیں کہ جن کا شمار راہ میں ہے

تمیز رہبر و رھزن ابھی نہیں ممکن

ذرا ٹہر کہ بلا کا غبار راہ میں ہے

گروہ کجہکلہاں کو کوئی خبر تو کرے

ابھی ہجوم سرِ راہگزار راہ میں ہے

نہ جانے کب کا پہنچ بھی چکا سرِ منزل

وہ شخص جس کا ہمیں انتظار راہ میں ہے

فرازؔ اگرچہ کڑی ہے زمین آتش کی

" ہزارہا شجرِ سایہ دار راہ میں ہے

                         احمد فرازؔ