Jo bhi daroone dil hai wo bahir na ae ga

جو بھی درونِ دل ہے وہ باہر نہ آئے گا

جو بھی درونِ دل ہے وہ باہر نہ آئے گا

اب آگہی کا زہر زباں ہر نہ آئے گا

اب کے بچھڑ کے اس کو ندامت تھی اس قدر

جی چاہتا بھی ہو تو پلٹ کر نہ آئے گا

یوں پھر رہا ہے کانچ کا پیکر لیے ہوئے

غافل کو یہ گماں ہے کہ پتھر نہ آئے گا

پھر بو رہا ہوں آج انہیں ساحلوں پہ پھول

پھر جیسے موج میں یہ سمندر نہ آئے گا

میں جاں بلب ہوں  ترکِ تعق کے زہر سے

وہ مطمئن کہ حرف تو اس پر نہ آئے گا

                   احمد فرؔاز