Ye main bhi kya hoon use bhool kar usi ka raha

یہ میں بھی کیا ہوں اسے بھول کر اسی کا رہا

یہ میں بھی کیا ہوں اسے بھول کر اسی کا رہا

کہ جس کے ساتھ نہ تھا ہمسفر اسی کا رہا

وہ بت کہ دشمنِ دیں تھا بقول ناصح کے

سوالِ سجدہ جب آیا تو در اسی کا رہا

ہزار چارہ گروں مے ہزار باتیں کیں

کہا جو دل مے سخن معتبر اسی کا رہا

بہت سی خواہشیں  سو بارشوں میں بھیگی ہیں

میں کس طرح سے کہوں عمر بھر اسی کا رہا

کہ اپنے حرف کی توقیر جانتا تھا فرازؔ

اسی لئے کفِ قاتل پہ سر اسی کا رہا

                    احمد فرازؔ