2016-02-22

Kuch ishare the jinhain dunya samajh baithe the hum

 کچھ اشارے تھے جنہیں دنیا سمجھ بیٹھے تھے ہم

کچھ اشارے تھے  جنہیں دنیا سمجھ بیٹھے تھے ہم
اس  نگاہِ   آشنا  کو   کیا   سمجھ  بیٹھے  تھے  ہم
رفتہ    رفتہ   غیر  اپنی   ہی  نظر   میں   ہو گئے
واہ  ری  غفلت   تجھے   اپنا    سمجھ   بیٹھے  تھے   ہم
پردۂ آزردگی میں تھی وہ جانِ التفات
جس ادا کو رنجشِ بےجا سمجھ بیٹھے تھے ہم
کیا کہیں الفت میں رازِ بےحسی کیونکر کھلا
ہر نظر کو تیری درد افزا سمجھ بیٹھے تھے ہم
بےنیازی کو تری پایا  سراسر سوزِ درد
تجھ کو  اک  دنیا  سے بےگانہ سمجھ بیٹھے  تھے ہم
انقلابِ پے بہ پے ہرگردش و ہر دور میں
اس زمین و آسماں کو کیا سمجھ بیٹھا تھا میں
بھول بیٹھی وہ  نگاہِ ناز عہدِ دوستی
اس کو بھی اپنی طبیعت کا سمجھ بیٹھے تھے ہم
صاف الگ ہم کو جنونِ عاشقی نے کردیا
خود کو تیرے درد کا پردہ سمجھ بیٹھے تھے ہم
کان   بجتے   ہیں  محبت کے ،   سکوتِ   ناز  کو
داستاں کا  ختم  ہوجانا   سمجھ بیٹھے  تھے  ہم
باتوں باتوں میں پیامِ مرگ بھی آ ہی گیا
ان نگاہوں کو حیات افزا سمجھ بیٹھے تھے ہم
اب نہیں تابِ سپاسِ حسن اس دل کو جسے
بےقرارِ شکوۂ بےجا سمجھ بیٹھے تھے ہم
ایک   دنیا  درد کی  تصویر  نکلی  ،  عشق کو
کوہ کن اور   قیس  کا قصہ  سمجھ بیٹھے تھے ہم
رفتہ  رفتہ  عشق مانوس ِ جہاں ہوتا  چلا
خود  کو تیرے ہجر میں  تنہا   سمجھ بیٹھے تھے ہم
حسن کو اک حسن کی سمجھ  نہیں  اور اے فرؔاق
مہرباں  نامہرباں  کیا کیا  سمجھ بیٹھے تھے ہم
           فراؔق گورکھپوری

No comments:

Post a Comment