Kuch is qadar hoe mayoos ghar nahi aate

کچھ اس قدر ہوئے مایوس گھر نہیں آتے

کچھ اس قدر ہوئے مایوس گھر نہیں آتے

پرندے اب کسی آواز   پر   نہیں   آتے

جو دوسروں کے غموں پر نگاہ دوڑائیں

تو اپنے دکھ ہمیں دکھ ہی نظر  نہیں آتے

تمہاری بزمِ تمنا کی ہے کشش کچھ اور

وگرنہ دشت سے آشفتہ سر نہیں آتے

اگر ہو    آدمی   دشواریوں   کا    شیدائی

تو پھر سفر میں کہیں بھی بھنور نہیں آتے

شناوری سے   شناسائی   لازمی   ہے   بہت

کہ ہاتھ یوں کہیں لعل و گہر نہیں آتے

جنہیں   اُجاڑ   گئی   ہیں    تمازتیں    محسؔن

پھر ان درختوں پہ برگ و ثمر نہیں آتے

                      محسؔن احسان