Girte hain log

گرتے ہیں لوگ، گرمئ بازار دیکھ کر

گرتے   ہیں  لوگ ،  گرمئ  بازار  دیکھ  کر

سرکار  دیکھ   کر ،  میری سرکار دیکھ  کر

آوارگی   کا   شوق  بھڑکتا   ہے   اور بھی

تیری    گلی    کا  سایہ      دیوار  دیکھ  کر

تسکینِ  دل   کی  ایک  ہی  تدبیر   ہے  فقط

سر   پھوڑ  لیجئے  کوئی   دیوار  دیکھ  کر

ہم بھی گئے ہیں ہوش سے ساقی کبھی کبھی

لیکن  تری  نگاہ    کے   اطوار   دیکھ   کر

کیا  مستقل   علاج  کیا   دل   کے درد   کا

وہ  مسکرا  دیئے مجھے   بیمار  دیکھ   کر

دیکھا   کسی  کی سمت  تو  کیا   ہوگیا عدمؔ

چلتے  ہیں   راہ   رَو   سرِ بازار دیکھ   کر

                     عبدالحمید عدمؔ