Ay khuda jo bhi mujhe pindde shakibai

اے خدا  جو  بھی  مجھے     پندِ   شکیبائی   دے

اے خدا  جو  بھی  مجھے     پندِ   شکیبائی   دے

اُس کی آنکھوں کو مرے زخم کی  گہرائی دے

تیرے  لوگوں  سے  گِلہ  ہے  میرے آئینوں کو

ان    کو   پتھر   نہیں  دیتا ہے  تو  بینائی   دے

جس  کے   ایما  پہ  کیا ترکِ  تعلق  سب   سے

اب    وہی  شخص  مجھے طعنۂ  تنہائی   دے

یہ دہن زخم کی صورت ہے  مرے  چہرے  پر

یا مرے  زخم کو  بھر  یا  مجھے  گویائی   دے

اتنا بے صرفہ  نہ  جانے  مرے گھر   کا   جلنا

چشمِ  گریاں   نہ   سہی   چشمِ   تماشائی    دے

جن   کو    پیراہنِ  توقیر و   شرف   بخشا   ہے

وہ  برہنہ    ہیں   انھیں   خلعتِ   رسوائی   دے

کیا خبر تجھ کو کہ کس وضع کا بسمل ہے فرازؔ

وہ  تو   قاتل  کو   بھی  الزامِ   مسیحائی   دے

                                        احمد فرازؔؔ